Baahubali 2 The Conclusion (2017)

Historical | 169 Min
Rating:
7/10
7
baahubali-2-image-3

Movie Info

Movie Story

முதல் பாகத்தில் பிரபாஸ் மகிழ்மதி அரச குலத்தின் வாரிசு என்று சத்யராஜ் சொல்ல ஆரம்பித்ததிலிருந்து இரண்டாம் பாகம் தொடர்கிறது. பிரபாஸை மன்னாக முடி சூட்டிக் கொள்வதற்கு முன்பு திக் விஜயம் செல்லச் சொல்கிறார் ராஜமாதாவான ரம்யா கிருஷ்ணன்.

அப்படி அவர்கள் செல்லும் போது குந்தள தேசத்திற்கும் செல்கிறார்கள். சிற்றரசான அந்த தேசத்தின் இளவரசி அனுஷ்காவைப் பார்த்ததும் காதல் கொள்கிறார் பிரபாஸ். ஆனால், பிரபாஸ் மன்னாக முடி சூடிக் கொள்ளக் கூடாது என்பதற்காக அவருடைய அண்ணன் ராணா டகுபட்டியும், பெரியப்பா நாசரும் சூழ்ச்சி செய்கிறார்கள்.

பிரபாஸ், அனுஷ்கா காதலைப் பற்றிக் கேள்விப்படும் ராணா, அனுஷ்காவை மணமுடிக்க ஆசைப்படுகிறார். மன்னன் ஆகவில்லை என்றாலும் பரவாயில்லை, தான் விரும்பும் பெண்ணை மணமுடித்து வைக்க வேண்டும் என்று அம்மா ரம்யா கிருஷ்ணனிடம் சத்தியம் வாங்குகிறார்.

பிரபாஸ், அனுஷ்கா காதல் பற்றி எதுவும் தெரியாத ரம்யா, தன் மகன் ராணாவிற்கு அனுஷ்காவை மணமுடித்து வைக்க தூது அனுப்புகிறார். ஆனால், அனுஷ்கா ரம்யாவின் தூதை நிராகரித்து, ரம்யாவை அவமானப்படுத்தும் விதத்தில் பதில் அனுப்புகிறார். இதனால் கோபமடையும் ரம்யா, அனுஷ்காவைக் கைது செய்து அழைத்து வர பிரபாஸுக்கு ஓலை அனுப்புகிறார்.

தனக்காகத்தான் அம்மா அனுஷ்காவைப் பெண் கேட்டிருப்பார்கள் என நினைக்கும் பிரபாஸ், அனுஷ்காவிற்கு எந்த ஆபத்தையும் வர விடமாட்டேன் என சத்தியம் செய்து அவரை அழைத்துக் கொண்டு மகிழ்மதி செல்கிறார்.

அங்கு அனைத்து உண்மைகளும் தெரிய வருகிறது. அனுஷ்கா, ரம்யாவை எதிர்த்து கேள்வி கேட்க, பிரபாஸ், அனுஷ்காவிற்கு ஆதரவாகப் பேச, அந்த கோபத்தில் ராணாவுக்கு மன்னாக முடி சூட்டுகிறார் ரம்யா. பிரபாஸை, படைத் தளபதி ஆக்குகிறார். இருந்தாலும், பிரபாஸையும், அனுஷ்காவையும் பழி வாங்கத் துடிக்கிறார் மன்னன் ஆன ராணா. அதன் பின் என்ன நடக்கிறது என்பதுதான் ‘கட்டப்பா ஏன் பாகுபலியைக் கொன்றார்’ என்பதற்கான மீதிக் கதை.

Trailers & Videos

trailers
x
baahubali-2-image-3

Baahubali 2 - The Conclusion Trailer

Historical

Recommend movies

x
error: Content is protected !!
Skip to toolbar